كمتك يا رب // قصيدة جديدة جدا للشاعرة ايمان بكري

قصيدة جديدة جدا للشاعرة ايمان بكري

-----------------------


سبحانه رب الكون
يمهل و لا يهمل
هو الملاذ و العون
لما البيبان تقفل
و بحق كن فيكون
تلقي الميزان يعدل
قال دعوة المظلوم
ربك بها العالم
و مسيرها يوم حتدور
ع الساهي و الظالم
بيضا علي المظلوم
و سوادها ع الظالم
فبلاش تتيه بالجاه
و العز و الجبروت
ربك وهبنا حياة
فيها الحياة و الموت
و الموت دا جنة و نار
مش بس كاتم صوت
و العبد عمله الشين
في رقبته طوق مربوط
من غير شماته بقول
الراعي لما يكون
فاسد ملوهش حلول
غير طلقة في المليان
و الحاكم اللي يجور
علي حق شعبه في يوم
و يحكم الغربان
يقفل بيبان الامل
و يحاصر الاحلام
بتدور سواقي العطش
تنشف عروق النور
تصرخ اهات الوجع
و تطارد السلطان
ربك يزيده غرور
و غي و عناد و فجور
لجل الحساب ما بكون
عبرة لكل زمان
يخرج من الزنجات
علي زنجة مالها لزوم
و قيامته لما تقوم
يهرب كما المذعور
و نهايته جرسةو شوم
و الخلع في الميدان
حكمة اله ديان
قالها لبني الانسان
حرص من الطغيان
فكما تدين تدان