الداوودى
عدد المساهمات : 162
تاريخ التسجيل : 25/01/2011
العمر : 37
الموقع : ظفر/ تمى الأمديد /القهلية
 |  موضوع: مرة واحد بلدياتنا ...  الجمعة مارس 04, 2011 1:28 am | |
| واحد بلدياتنا حب ينتحر من الدور العاشر
رمى نفسه من الخامس مرتين
××××××××××××××××××××××××××××××××
بلدياتنا فتح محل جواهرجى عمل أول يوم ببلاش
××××××××××××××××××××××××××××××××
بلدياتنا بيقول لصاحبه شوف العالم الهطلة يدفعوا 25
مليون دولار علشان بن لادن
أمال لو كان بن محوج كانوا عملوا إيه
××××××××××××××××××××××××××××××××
بلدياتنا سافر بره خمس سنين متواصلة لما رجع القاهرة
لقاهم بيحتفلوا بسبوع إبنه بقى ماشي فرحان أوي ويقول
موجودين بنخلف مش موجودين برضه بنخلف
××××××××××××××××××××××××××××××××
الأمريكان والروس بيترسموا على بعض .... الأمريكان
يقولوا إحنا أول ناس طلعنا القمر والروس يقولوا لا إحنا
أول ناس طلعنا القمر ... بلدياتنا كان واقف إضايق أوي قالهم
إنتوا لما طلعتوا القمر لقيتوا إيه هناك ؟؟؟ قالوله طوب
ورمل وزلط قالهم إحنا اللي مطالعينه
××××××××××××××××××××××××××××××××
واحدة بتقول لجوزها بلدياتنا عمرك ماقلتلي كلمة
تحسسني إن أنا مرآتك قالها إنتي طالق
××××××××××××××××××××××××××××××××
جماعة بلدياتنا سمعوا عن إختراع إسمه السيفون حبوا
يعرفوا هو إيه بعتوا واحد منهم أمريكا لما رجع قالهم أما
السيفون ده حتة إختراع يا رداله تدوس على السيفون ويا
تلحج تشرب يا متلحجش
××××××××××××××××××××××××××××××××
بلدياتنا مفتاح عربيته ضاع ميكانيكي جه فتحاله بطفاشة
تاني يوم عمل نسخة من الطفاشة
××××××××××××××××××××××××××××××××
بلدياتنا فتحوا محل بيتزا سموه بيتزا هعععععععععع
××××××××××××××××××××××××××××××××
بلدياتنا حب واحدة إتجوز أختها
علشان يضمن يشوفها كل يوم
××××××××××××××××××××××××××××××××
بلدياتنا خرج من الجيش ومعاهوش أي صنعة
فتح كشك شرطة عسكرية
××××××××××××××××××××××××××××××××
2 بلدياتنا بيلعبوا شطرنج
الملك مات مشلول
××××××××××××××××××××××××××××××××
بيسألوا واحد بلدياتنا بيقولوله المصري بنى الأهرامات
والياباني بنى إيه ؟؟؟ قالهم بنى سونيك
××××××××××××××××××××××××××××××××
بلدياتنا إشترى كمبيوتر شال الفارة وحط جاموسة
××××××××××××××××××××××××××××××××
بلدياتنا عاوز يزور فلوس جاب ورقة بعشرين جنيه وزورها
بالضبط بس غلط وكتب بدل الـ 20 (18) وراح يفكها من
القاهرة راح لأول واحد قاله عايز أفك الورقة دي الراجل
قاله الله يخرب بيتك زورتها إزاى وخد الورقة ومشي
وإستغرب أوي إن الراجل عرف دي مزورة منين وقال أنا هآرجع
البلد أفكها من هريدي ولد عمي راح لهريدي قاله والنبي
ياهريدي فك لي الورقة دي قاله والله مفيش جنيهات تآخد
ورجتين بتسعة
××××××××××××××××××××××××××××××××
10 بلدياتنا ماشيين ورا بعض وقعوا في حفرة واحدة
××××××××××××××××××××××××××××××××
بلدياتنا إشترى موبايل ركبله جهاز إظهار رقم الطالب
××××××××××××××××××××××××××××××××
بلدياتنا إتفرج على إعلان مارلبورو
تاني يوم راح إشترى حصان
××××××××××××××××××××××××××××××××
بلدياتنا جاى ينزل من باب العربية لقي الدنيا بتمطر
راح نازل من الباب التاني
××××××××××××××××××××××××××××××××
عملوا مسابقة للي يجيب أكبر قطة جابوا بلدياتنا وألماني
وأمريكي الألماني دخل جاب قطة 5 كيلو ... والأمريكي دخل جاب
قطة 10 كيلو ... بلدياتنا دخل ساعة ساعتين ولسه مخرجش
دخلوا يشوفوه لقوه ماسك فيل وقاعد يضربه ويقوله
هتنونو يعنى هتنونو
××××××××××××××××××××××××××××××××
بلدياتنا دايخ في كل محلات الموبايل ومش لاقي طلبه وراح
شركة نوكيا برضه مش لاقي طلبه علشان عايز موبايل بقرص
××××××××××××××××××××××××××××××××
بلدياتنا إشتري عربية شبح طلع على الطريق السريع علشان
يجربها فشغل الراديو لقي المذيع بيقول هنا لندن
بلدياتنا قال يلعن أبو السرعة
××××××××××××××××××××××××××××××××
بلدياتنا بيعمل كشف نظر طلع نظره 6/6 فبيقول لصاحبه أنا
كنت ممكن أجيب أكتر من كده بس الدكتور اللي لخبطني
××××××××××××××××××××××××××××××××
بلدياتنا صغير بيسأل أبوه بيقوله ليه ربنا خلق لنا
الودان قاله علشان نعرف العمة هتجف لحد فين
××××××××××××××××××××××××××××××××
بلدياتنا واقف قدامه 5 شياطين 1 بيوسوسله و 4 بيفهموه
××××××××××××××××××××××××××××××××
بلدياتنا نزل في محطة الرمل رجله غرزت
××××××××××××××××××××××××××××××××
مدرس حشاش كان بيعلم التلاميذ في الفصل ج ضمة ج جوزة
.... ح فتحة ح حشيش ... ب فتحة باء بانجو
××××××××××××××××××××××××××××××××
مسطول بيقول لصاحبه إمبارح شفت فيل أحمر طاير فوق
عمارتنا صاحبه قاله ياكذاب هو فيه فيل أحمر
××××××××××××××××××××××××××××××××
مسطول راح محطة بنزين لقي شلة بنات واقفه حب يترسم
قاله إملالي بـ 500 جنيه بنزين
××××××××××××××××××××××××××××××××
مسطول إتصل بنمرة قالهم محمود موجود قالوله لأ
النمرة غلط ... قالهم مادام النمرة غلط بتردوا ليه
××××××××××××××××××××××××××××××××
2 مساطيل دخلوا متحف لقوا هيكل عظمي مكتوب عليه
1600 ق .م فواحد بيسأل الثاني إيه 1600 ق.م دي ؟؟؟
قاله تلاقيها رقم العربية اللي خبطته
××××××××××××××××××××××××××××××××
منقووووووووووووووووووووووول | |
|
حبيب الرحمن
عدد المساهمات : 159
تاريخ التسجيل : 05/03/2011
العمر : 31
الموقع : ظــــفــــر \تمى الامديد\دقهلية
| | موضوع: رد: مرة واحد بلدياتنا ... الإثنين مارس 07, 2011 6:21 am | |
| ههههههههههههههههههههههه
والله العظيم انت رجل عسل
مستنين المزيدمنك يا باشا | |
|
الداوودى
عدد المساهمات : 162
تاريخ التسجيل : 25/01/2011
العمر : 37
الموقع : ظفر/ تمى الأمديد /القهلية
| | موضوع: رد: مرة واحد بلدياتنا ... الثلاثاء مارس 08, 2011 12:02 am | |
| والله انت اللى عسل يا حبيب الرحمن
تقبل خالص تحياتى
| |
|
